ନୂଆଦିଲ୍ଲୀ: ସୁପ୍ରିମକୋର୍ଟ ସାରଦା ଚିଟ ଫଣ୍ଡ ମାମଲାରେ ପଶ୍ଚିମବଙ୍ଗର ଆଇପିଏସ ଅଧିକାରୀ ରାଜୀବ କୁମାରଙ୍କ ଗିରଫଦାରୀ ଉପରେ ରୋକ ହଟାଇ ଦେଇଛନ୍ତି। ଶୁକ୍ରବାର ଏହି ମାମଲାର ଶୁଣାଣି କରି ସର୍ବୋଚ୍ଚ ଅଦାଲତ କହିଛନ୍ତି, ଏବେ ସିବିଆଇ ତା କାମ କରି ପାରିବ। ଏହି ଆଦେଶ ୭ଦିନ ପରେ ଲାଗୁ ହେବ ତେଣୁ ରାଜୀବ କୁମାର ଏହି ସମୟ ଭିତରେ ଆଇନର ଆଶ୍ରୟ ନେଇ ପାରିବେ। ପ୍ରଧାନ ବିଚାରପତି ରଞ୍ଜନ ଗୋଗୋଇଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ଏହି ଆଦେଶ ୭ଦିନ ପରେ ଲାଗୁ ହେବ ବୋଲି ସ୍ପଷ୍ଟ କରିଛନ୍ତି। ସେ ପର୍ଯ୍ୟନ୍ତ ରାଜୀବ କୁମାରଙ୍କୁ ଗିରଫ କରାଯାଇପାରିବ ନାହିଁ ଏବଂ ସେ ଚାହିଁଲେ ଆଗୁଆ ଜାମିନ ପାଇଁ ଆବେଦନ କରି ପାରିବେ। ଯଦି ଆଗୁଆ ଜାମିନ ନ ମିଳେ, ସିବିଆଇ ତାଙ୍କୁ ଗିରଫ କରି ପାରିବ।
ସୂଚନା ଯୋଗ୍ୟ, କୋଲକାତାର ପୂର୍ବତନ ପୁଲିସ ଅଧିକାରୀ ରାଜୀବ କୁମାର ସାରଦା ଚିଟଫଣ୍ଡ ମାମଲାରେ ପ୍ରମାଣ ନଷ୍ଟ କରିଥିବା ଅଭିଯୋଗ ହୋଇଛି। ସିବିଆଇ ଅଭିଯୋଗ କରିଛି ଯେ ଏହି ମାମଲାରେ କିଛି ରାଜନେତାଙ୍କୁ ସୁରକ୍ଷା ଦେବାକୁ ସେ ପ୍ରମାଣ ନଷ୍ଟ କରିବାକୁ ଚେଷ୍ଟା କରିଛନ୍ତି।