ଆଜି ମହାପ୍ରଭୁଙ୍କ ବନକଲାଗି ନୀତି; ୪ ଘଣ୍ଟା ଦର୍ଶନ ବନ୍ଦ

ମହାପ୍ରଭୁଙ୍କ ଶ୍ରୀମୁଖରେ ବନକଲାଗି ଏକ ବିଶେଷ ନୀତି। ସପ୍ତାହର ବୁଧବାର ବା ଗୁରୁବାର ଦିନ ଦ୍ଵିପ୍ରହର ଧୂପ ପରେ ବିଗ୍ରହମାନଙ୍କୁ ବନକଲାଗି କରାଯାଏ। ହିଙ୍ଗୁଳ, ହରିତାଳ, ଶଙ୍ଖ, କେଶର, କର୍ପୂର, କଇଁଥ ଅଠା, କସ୍ତୂରୀ, କଜ୍ଜଳ, ଓ ତେଲରେ ଏହି ବନକ ପ୍ରସ୍ତୁତ କରାଯାଏ। ଦତ୍ତ ମହାପାତ୍ର ଏହି ନୀତିକୁ ସମ୍ପାଦନ କରିଥାନ୍ତି। ଏହାକୁ ଶ୍ରୀମୁଖସଂହାର ବୋଲି ମଧ୍ୟ କୁହାଯାଏ। ତେବେ ଆଜି ମହାପ୍ରଭୁଙ୍କ ବନକଲାଗି ହେବ। ଏଥିପାଇଁ ଶ୍ରୀମନ୍ଦିରରେ ସାଧାରଣ ଦର୍ଶନରେ ୪ ଘଣ୍ଟା ବନ୍ଦ ରହିଵ। ଅପରାହ୍ନ ୪ଟାରୁ ରାତି ୮ଟା ପର୍ଯ୍ୟନ୍ତ ମହାପ୍ରଭୁଙ୍କ ସାଧାରଣ ଦର୍ଶନ ବନ୍ଦ ରହିବ। ଦର୍ଶନ ବନ୍ଦ ରହିବା ନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ମିଳିଛି।