କଟକ: ମାଲଗୋଦାମ ନିକଟ ଜାଲୁଆ ସାହି କଣ୍ଟେନମେଣ୍ଟ ଜୋନ୍ରୁ ଆଜି ପୁଣି ୨୪ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଏଥିରୁ ୧୫ ଜଣ ମହିଳା ହୋଇଥିବା ବେଳେ ୯ ଜଣ ପୁରୁଷ। ଏଥି ସହିତ କଟକ ସହରର ବିଭିନ୍ନ ଅଂଚଳରେୁ ଆଜି ମୋଟ ୮୫ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। କଟକ ମହାନଗର ନିଗମ ପକ୍ଷରୁ ଏହି ସୂଚନା ଦିଆଯାଇଛି। ଆଜି ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ୪୦ ଜଣ ସଂଗରୋଧରୁ ଥିବା ବେଳେ ୨୧ ଜଣ ହେଉଛନ୍ତି ସ୍ଥାନୀୟ ସଂକ୍ରମଣ।
#COVID19 update in Cuttack city (CMC area)
Out of the 109 new COVID-19 +ve cases reported today in #Cuttack district, 85 +ve cases belong to Cuttack city (CMC area).
Another 99 recoveries (11thAugust data) have been reported recently! KUDOS to all doctors and healthcare staff. pic.twitter.com/C02pfQxsnc
— CMC,Cuttack (@CMCCuttack) August 12, 2020
ସିଏମ୍ସି ପକ୍ଷରୁ ଦିଆଯାଇଥିବା ସୂଚନା ଅନୁସାରେ ଆଜି ସରକାରୀ ସଂଗରୋଧରୁ ୧୩ ଜଣ ପଜିଟିଭ ଚିହ୍ନଟ ହୋଇଛନ୍ତି। ଏଥିରୁ ଏସ୍ସିବି ଆଇସୋଲେସନରୁ ଜଣେ ମହିଳାଙ୍କ ସମେତ ୭ ଜଣ ପୁରୁଷ ଅଛନ୍ତି। ଅନ୍ୟ ୫ ଜଣଙ୍କ ମଧ୍ୟରୁ ୨ ଜଣ ଅନ୍ୟ ଜିଲ୍ଲାକୁ ଯାଇଥିବା ବେଳେ ଜଣେ ଜମ୍ମୁରୁ ଫେରିଥିଲେ।
ଗୃହ ସଂଗରୋଧରୁ ମୋଟ ୨୭ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ଏଥିରେ ହରିପୁର ଅଂଚଳରୁ ୩ ଜଣ ମହିଳାଙ୍କ ସମେତ ୯ ଜଣ, ମୁକାମେଶ୍ୱରରୁ ୩ ଜଣ ମହିଳାଙ୍କ ସମେତ ୪ ଜଣ, ସିଡିଏ ସେକ୍ଟର-୭ରୁ ଜଣେ ମହିଳାଙ୍କ ସମେତ ୩ ଜଣ, ପିଠାପୁରରୁ ୨ ଜଣ ପୁରୁଷ, ବଖରାବାଦରୁ ୨ ଜଣ ମହିଳା, ଚାଉଳିଆଗଂଜ, ବକ୍ସିବଜାର ଓ ପଟ୍ଟାପୋଲରୁ ଜଣେ ଲେଖାଏଁ ମହିଳା ଏବଂ କାଠଗଡ଼ାସାହି, ମଙ୍ଗଳବାଗ, ରାଣୀହାଟ ଗୋପାଳ ସାହି ଓ ମେରିଆ ବଜାରରୁ ଜଣେ ଲେଖାଏଁ ପୁରୁଷ ଆକ୍ରାନ୍ତ ହୋଇଛନ୍ତି।