ମୁମ୍ବାଇ: ଅଭିନେତ୍ରୀ ରିୟା ଚକ୍ରବର୍ତ୍ତୀ ଅକ୍ଟୋବର ୬ ପର୍ଯ୍ୟନ୍ତ ଜେଲରେ ରହିବେ । ନ୍ୟାୟିକ ହେପାଜତ ଶେଷ ହେବାପରେ ଆଜି ମୁମ୍ବାଇର ଏକ କୋର୍ଟ କହିଛନ୍ତି। ଆସନ୍ତାକାଲି ଏହାକୁ ନେଇ ବମ୍ବେ ହାଇକୋର୍ଟରୁ ସେ ଏବଂ ତାଙ୍କ ଭାଇ ଶୋୟିକ୍ ଚକ୍ରବର୍ତ୍ତୀ ଜାମିନ ମାଗିଛନ୍ତି।
ସେପ୍ଟେମ୍ବର ୯ରେ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ଘଟଣାରେ ସମ୍ପୃକ୍ତ ଡ୍ରଗ୍ସ ଅଭିଯୋଗରେ ରିୟା ଚକ୍ରବର୍ତ୍ତୀଙ୍କୁ ଗିରଫ କରାଯାଇଥିଲା। ଜୁନ୍ ୧୪ରେ ମୃତ୍ୟୁର କିଛି ମାସ ପୂର୍ବରୁ ସୁଶାନ୍ତ ସିଂ ରାଜପୁତଙ୍କୁ ଡେଟ କରିଥିବା ୨୮ ବର୍ଷୀୟ ଅଭିନେତ୍ରୀ ତାଙ୍କ ପାଇଁ ଡ୍ରଗ୍ସ ବ୍ୟବସ୍ଥା କରିଥିବା ଅଭିଯୋଗ ହୋଇଛି।
ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ରିୟା ଚକ୍ରବର୍ତ୍ତୀଙ୍କୁ ଏକ ଡ୍ରଗ୍ସ ସିଣ୍ଡିକେଟର ସକ୍ରିୟ ସଦସ୍ୟ ବୋଲି ବର୍ଣ୍ଣନା କରିଥିଲେ। ଏହି ମାସ ଆରମ୍ଭରେ ତାଙ୍କ ତିନି ଦିନିଆ ପଚରା-ଉଚୁରା ଆଧାରରେ ଡ୍ରଗ୍ସ ବିରୋଧୀ ଏଜେନ୍ସି ବଲିଉଡର ଡ୍ରଗ୍ ଲିଙ୍କ୍ ଉପରେ ଏହାର ତଦନ୍ତକୁ ବ୍ୟାପକ କରିଛି।
ସୂଚନାନୁସାରେ, ଅଭିନେତ୍ରୀ ଶ୍ରଦ୍ଧା କପୁର ଏବଂ ସାରା ଅଲି ଖାନଙ୍କ ନାମ, ରିୟା ଚକ୍ରବର୍ତ୍ତୀଙ୍କୁ ପଚରାଉଚରା ବେଳେ ଆସିଛି । ଏମାନଙ୍କୁ ଏହି ସପ୍ତାହ ଶେଷରେ ଏଜେନ୍ସିକୁ ଡକାଯାଇପାରେ।
ଏଜେନ୍ସି ଆଜି ବଲିଉଡର ଶୀର୍ଷ ଏ-ଲିଷ୍ଟର ଦୀପିକା ପାଦୁକୋନଙ୍କ ମ୍ୟାନେଜର କରିସ୍ମା ପ୍ରକାଶ ଏବଂ ପ୍ରତିଭା ଏଜେନ୍ସି କାର୍ଯ୍ୟନିର୍ବାହୀ ଜୟା ସାହାଙ୍କୁ ଡକାଇଛି – ଯାହାଙ୍କୁ ଦ୍ୱିତୀୟ ଦିନ ପଚରାଉଚରା କରାଯିବ। ସୁଶାନ୍ତ ସିଂ ରାଜପୁତଙ୍କ ମ୍ୟାନେଜର ଶ୍ରୁତି ମୋଦୀଙ୍କୁ ମଧ୍ୟ ଡକାଯାଇଛି। ରିୟା ଚକ୍ରବର୍ତ୍ତୀଙ୍କ ମୋବାଇଲରୁ ଉଦ୍ଧାର ହୋଇଥିବା ୱାଟ୍ସ ଆପ୍ ମେସେଜ୍ ଉପରେ ଆଧାର କରି ଏଜେନ୍ସି ପଞ୍ଜୀକୃତ ହୋଇଥିବା ପ୍ରଥମ ମାମଲାରେ ଏହି ସମନ ଜାରି କରାଯାଇଛି।