କଟକ: ଆଜି କଟକ ସହରର ବିଭିନ୍ନ ସଂଗରୋଧରୁ ୧୦୦ ଜଣଙ୍କ ସମେତ ମୋଟ ୧୬୨ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଏସ୍ସିବି ଆଇସୋଲେସନରୁ ୪ ଜଣ କୋଭିଡ ଯୋଦ୍ଧା (ଜଣେ ପୁରୁଷ ଓ ୩ ଜଣ ମହିଳା)ଙ୍କ ସମେତ ଆଜି ମୋଟ ୨୬ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସହରର ଅନ୍ୟ ସରକାରୀ ସଂଗରୋଧରୁ ୫ ଜଣ ଓ ଗୃହ ସଂଗରୋଧରୁ ୬୯ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
#COVID19 update in Cuttack city (CMC area)
Out of the 222 new COVID-19 +ve cases reported today in #Cuttack district, 162 +ve cases belong to Cuttack city (CMC area).
Another 65 recoveries (18th August data) have been reported recently! KUDOS to all doctors & healthcare staff. pic.twitter.com/K2kCH0MjyB
— CMC,Cuttack (@CMCCuttack) August 19, 2020
ସିଏମ୍ସି ପକ୍ଷରୁ ଦିଆଯାଇଥିବା ସୂଚନା ଅନୁସାରେ ସ୍ଥାନୀୟ ଅଂଚଳରୁ ଚିହ୍ନଟ ଆକ୍ରାନ୍ତଙ୍କ ମଧ୍ୟରେ ମଠସାହିରୁ ଅଛନ୍ତି ୧୫ ଜଣ। ବିଦ୍ୟାଧରପୁରରୁ ୫ ଜଣ, ନୟାବଜାରରୁ ୪ ଜଣ, ସିଡିଏ ସେକ୍ଟର-୧୦ରୁ ୨ ଜଣ, ସିଡିଏ ସେକ୍ଟର-୯, ପେନସନ ଲେନ, ନୂଆସାହି, କାଜିବଜାର, ଅରୁଣୋଦୟ ନଗର, ଚାଉଳିଆଗଂଜରୁ ୨ ଜଣ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
ଆଜି ଗୃହ ସଂଗରୋଧରୁ ମୋଟ ୬୯ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏଥିରେ ଥୋରିଆ ସାହିରୁ ୧୭ ଜଣ, ଚାଉଳିଆଗଂଜ ତଳସାହିରୁ ୨୫ ଜଣ, ନୂଆବଜାରରୁ ୧୦ ଜଣ, ଖାନନଗରରୁ ୪ ଜଣ, ଭାନପୁରରୁ ୩ ଜଣ, ବକ୍ସି ବଜାରରୁ ୨ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି।