ଦୁହିଁଙ୍କ ଭିତରେ ଥିବା ପ୍ରେମ ସଂପର୍କ ବେଶ ପୂର୍ବରୁ ଜାଣିଥିବା କହିଛନ୍ତି ପରୀଣିତି ଚୋପ୍ରା । ଏହି ଖବର ଜାଣଇବା ପରେ ସେ କାନ୍ଧିବାକୁ ଆରମ୍ଭ କରିଥିବା ବି କହିଛନ୍ତି ।
ଦୁହିଁଙ୍କ ମଧ୍ୟରେ କେବେଠାରୁ ପ୍ରେମ ସଂପର୍କ ଆରମ୍ଭ ହେଲା ତାହା କେହି ଜାଣି ନଥିବା ବେଳେ ବଲିଉଡ୍ର ଏହି ଅଭିନେତ୍ରୀଙ୍କୁ ପୂର୍ବରୁ ସବୁ କିଛି ଜଣା ଥିଲା । ସେ ହେଉଛନ୍ତି ପ୍ରିୟଙ୍କାଙ୍କ ଭଉଣୀ ପରୀଣିତି ଚୋପ୍ରା । ଫିଲ୍ମଫେୟାର ସହ କଥା ହୋଇ ସେ ଏହାର ଖୁଲାସା କରିଛନ୍ତି ।
“ଯେଉଁଦିନ ନିକ୍ ପ୍ରିୟଙ୍କାଙ୍କୁ ବିବାହ ପାଇଁ ପ୍ରସ୍ତାବ ଦେଇଥିଲେ ସେଦିନ ପ୍ରିୟଙ୍କାଙ୍କ ଜନ୍ମଦିନ ଥିଲା । ଏ ଖବର ସେ ମୋତେ ପ୍ରଥମେ ଜଣାଇଥିଲେ । ରାତି ୩ଟାରେ ସେ ମୋତେ କଲ କରିଥିଲେ । ଯାହାକୁ ମୁଁ ଉଠାଇ ପାରି ନଥିଲି । ପରେ ମୁଁ ତାଙ୍କୁ ଭିଡ଼ିଓ କଲ୍ କରିବା ପରେ ସେ ମୋତେ ନିଜର ମୁଦି ଦେଖାଇଥିଲେ । ପରେ ସବୁ ଜାଣିବା ପରେ ମୁଁ ଖୁସିରେ କାନ୍ଦିବାକୁ ଲାଗିଥିଲି” ବୋଲି ପରୀଣିତି କହିଥିଲେ ।