ପିଟିଆଇକୁ ଏକ ସାକ୍ଷାତକାର ଦେଇ ବଲିଉଡ୍ ସହ ଜଡ଼ିତ ଏକ ଆଶ୍ଚର୍ଯ୍ୟ କଲା ଭଳି ମନ୍ତବ୍ୟ ଦେଇଛନ୍ତି ମଲ୍ଲିକା । ମଲ୍ଳିକା କହିଛନ୍ତି ମୁଁ ହିରୋମାନଙ୍କ ଶଯ୍ୟା ସଂଗିନୀ ହେବାକୁ ମନା କରିବାରୁ ମୋତେ ଫିଲ୍ମ ମିଳିବା ବନ୍ଦ ହୋଇଗଲା। ମଲ୍ଳିକାଙ୍କ ଏଭଳି ମନ୍ତବ୍ୟ ଏବେ ସମସ୍ତଙ୍କୁ ଚକିତ କରିଛି । ୨୦୦୪ରେ ମଲ୍ଲିକାଙ୍କ ଫିଲ୍ମ ମର୍ଡ଼ର ରିଲିଜ୍ ପରେ ତାଙ୍କୁ ହଟ୍ ଅଭିନେତ୍ରୀର ମାନ୍ୟତା ଦିଆ ଯାଇଥିଲା । ମଲ୍ଲିକାଙ୍କ କହିବା ଅନୁସାରେ ମୁଁ ସ୍କ୍ରିନ୍ ଉପରେ ଚରିତ୍ର ପାଇଁ କାହାକୁ ଚୁମ୍ବନ ବା ଛୋଟ ପୋଷାକ ପିନ୍ଧୁଥିବାରୁ ଲୋକ ମୋ ଚରିତ୍ର ସେଭଳି ବୋଲି ଭାବି ନେଇଥିଲେ । ଯେତେବେଳେ ବି ମୋତେ ଫିଲ୍ମର ଅଫର ଆସୁଥିଲା ଫିଲ୍ମର ହିରୋ ମୋତେ ଉପଭୋଗ କରିବା ପାଇଁ ଚାହୁଁଥିଲେ । ମୁଁ ମନା କରିବାରୁ, ଯଦି ତୁମେ ଫିଲ୍ମରେ ଏ କାମ କରିପାରୁଛ ତା’ହେଲେ ଏଥିରେ ଅସୁବିଧା କ’ଣ ବୋଲି କହୁଥିଲେ । ଶେଷରେ ମୁଁ ରାଜି ହେଉ ନ ଥିବାରୁ ଏମିତି ଅନେକ ଫିଲ୍ମର ଅଫର ମୋ ହାତରୁ ଚାଲି ଯାଇଛି । ଫିଲ୍ମରେ ମୁଁ ସେଭଳି କାମ କରୁଛି ତା’ ମାନେ ନୁହଁ ଅସଲ ଜୀବନରେ ମଧ୍ୟ ସେଭଳି କିଛି କରିବି । ମୋର ମଧ୍ୟ ଆତ୍ମସମ୍ମାନ ରହିଛି । ଖାଲି ମୋ ସହ ନୁହଁ,ଦେଶର ଅନେକ ମହିଳା ଏଭଳି ପରିସ୍ଥିତିର ଶିକାର ହେଉଛନ୍ତି । ମଲ୍ଳିକା ଏଭଳି ବୟାନ ଏବେ ବଲିଉଡେର କାଷ୍ଟିଂ କାଉଚ କାୟା ଯେ କେତେ ଲମ୍ଭା ତାହା ପ୍ରମାଣ କରୁଛି।