ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି କୋଟି କୋଟି ଭାରତୀୟଙ୍କ ବିଶ୍ୱାସକୁ ଜିତିପାରିଛନ୍ତି : ଡ.ସମ୍ବିତ ପାତ୍ର

ଭୁବନେଶ୍ୱର: ୨୦୧୪ ପୂର୍ବରୁ ଦେଶରେ ଏକ ଅବିଶ୍ୱାସ ଏବଂ ଭଷ୍ଟ୍ରାଚାରର ପରିବେଶ ଥିଲା । କଂଗ୍ରେସ ୨ଜି, ୩ଜି, ସ୍ପେଟ୍ରମ, କୋଲ ଗେଟ୍, କମନ ୱଲଥ୍ ଗେମ୍ ଭଳି ଅନେକ ଦୁର୍ନୀତିରେ କୋଟି କୋଟି ଟଙ୍କା ଦେଶର ସାଧାରଣଜନତାଙ୍କଠାରୁ ଲୁଟ୍ କରିଛି । କିନ୍ତୁ ଏବେ ଦେଶରେ ପରିବର୍ତନ ହୋଇଛି । ୪ ବର୍ଷ ମଧ୍ୟରେ ପ୍ରଧାନମନ୍ତ୍ରୀ ଶ୍ରୀ ମୋଦି କୋଟି କୋଟି ଭାରତୀୟଙ୍କ ବିଶ୍ୱାସକୁ ଜିତିପାରିଛନ୍ତି ବୋଲି ଏକ ସାମ୍ବାଦିକ ସମ୍ମିଳନୀରେ ରାଷ୍ଟ୍ରୀୟ ବିଜେପି ମୁଖପାତ୍ର ଡ. ସମ୍ବିତ ପାତ୍ର କହିଛନ୍ତି ।
ଭାରତର ଜିଡିପି ୭.୪ ପ୍ରତିଶତ ବୃଦ୍ଧି ପାଇଛି । ଭାରତ ଅର୍ଥନତିକ ଦୃଷ୍ଟି ପୂରା ବିଶ୍ୱକୁ ଦେଖାଉଛି । ସ୍ୱାଧୀନତାର ୭୦ ବର୍ଷ ପରେ ବି ଭାରତର ୫୦ ପ୍ରତିଶତ ଲୋକଙ୍କର ବ୍ୟାଙ୍କ ଆକାଉଂଟ ନଥିଲା । କିନ୍ତୁ ମୋଦି ସରକାର ଜନଧନ ଯୋଜନା ମାଧ୍ୟମରେ ଦେଶର ୩୩ କୋଟି ଲୋକ ବ୍ୟାଙ୍କ ଆକାଉଂଟ ଖୋଲିଛନ୍ତି । ୱାଲଡ୍ ବ୍ୟାଙ୍କର ରିପୋର୍ଟ ଅନୁଯାୟୀ ବିଶ୍ୱରେ ଖୋଲା ହୋଇଥିବା ୫୫ ପ୍ରତିଶତ ନୂଆ ବ୍ୟାଙ୍କ ଆକାଉଂଟରୁ ସର୍ବଧୀକ ଭାରତରେ ଖୋଲା ହୋଇଛି ।
ପ୍ରଧାନମନ୍ତ୍ରୀ ଆବାସ ଯୋଜନାରେ ୧ କୋଟି ଲୋକଙ୍କୁ ସାମିଲ କରାଯାଇଛି । ଏଥି ସହ ମୋଦି ସରକାର ଆଗାମୀ ୨୦୨୨ ସୁଦ୍ଧା ସମସ୍ତଙ୍କ ପାଇଁ ପକ୍କା ଘର ନିର୍ମାଣର ଲକ୍ଷ୍ୟ ରଖିଛନ୍ତି । ମହିଳାଙ୍କୁ ସୁରକ୍ଷା ଓ ସମ୍ମାନ ଦେବା ପାଇଁ ମୋଦି ସରକାର ଦୃଢ ପ୍ରତିଶୃତି ବଦ୍ଧ । ୧୯୪୭ ରୁ ୨୦୧୪ ମସିହା ପର୍ଯ୍ୟନ୍ତ ଦେଶରେ ୬.୨୫ କୋଟି ଶୌଚାଳୟ ଥିବାବେଳେ ୪ ବର୍ଷ ଭିତରେ ଏବେ ତାହା ୭.୨୫ କୋଟି ଶୌଚାଳୟରେ ପହଂଚିଛି ବୋଲି ଡ. ପାତ୍ର କହିଛନ୍ତି ।
ଉଜ୍ଜଳା ଯୋଜନା ମାଧ୍ୟମରେ ୩.୮ କୋଟି ପରିବାରକୁ ଇନ୍ଧନ ଗ୍ୟାସ ଯୋଗାଇ ଦିଆଯାଇଛି । ଏହା ବ୍ୟତୀତ ୮ କୋଟି ଲୋକଙ୍କୁ ୨୦୧୯ ମଧ୍ୟରେ ଏଲପିଜି ସିଲିଣ୍ଡର ପହଂଚାଇବାର ଲକ୍ଷ୍ୟ ରହିଛି ବୋଲି ଡ. ପାତ୍ର କହିଛନ୍ତି ।
ପ୍ରଧାନମନ୍ତ୍ରୀ ଜୀବନ ସୁରକ୍ଷା ବୀମା ଯୋଜନା ମାଧ୍ୟମରେ ବର୍ଷକୁ ମାତ୍ର ୧୨ ଟଙ୍କା ପ୍ରିମିୟମରେ ୧୪ କୋଟି ଲୋକଙ୍କୁ ସାମିଲ କରାଯାଇଛି । ପ୍ରଧାନମନ୍ତ୍ରୀ ଜୀବନ ଜ୍ୟୋତି ଯୋଜନାରେ ୯୦ ପଇସା ପ୍ରତିଦିନ ଆଧାରରେ ୫.୨୨ କୋଟି ପରିବାରକୁ ସାମିଲ କରାଯାଇଛି । ଏହା ସହ ଅଟଳ ପେନସନ ଯୋଜନା ଦ୍ୱାରା ୧ କୋଟି ଲୋକଙ୍କୁ ସାମିଲ କରାଯାଇଛି ବୋଲି ଡ. ପାତ୍ର କହିଛନ୍ତି ।
୨୦୧୪ ପୂର୍ବରୁ କଂଗ୍ରେସ ଶାସନ ସମୟରେ ମାତ୍ର ୧୧ଟି ରାଜ୍ୟରେ ଖାଦ୍ୟ ସୁରକ୍ଷା ଯୋଜନା ଲାଗୁ ହୋଇଥିଲା । ଏବେ ଖାଦ୍ୟ ସୁରକ୍ଷା ଯୋଜନା ସମସ୍ତ ରାଜ୍ୟ ଏବଂ କେନ୍ଦ୍ର ଶାସିତ ଅଂଚଳରେ ପହଂଚିବା ସହ ଏହାର ଲାଭ ସମସ୍ତ ହିତାଧିକାରୀମାନେ ପାଉଛନ୍ତି ବୋଲି ଡ. ପାତ୍ର କହିଛନ୍ତି ।

 ୧୮ ବର୍ଷ ଶାସନର ରିପୋର୍ଟ କାର୍ଡ ନବୀନ ବାବୁ ଦିଅନ୍ତୁ
 ରାଜ୍ୟର ମୁଖ୍ୟମନ୍ତ୍ରୀଙ୍କ ଅପାରଗତା ପାଇଁ ଓଡିଶା ଆଜି ପଛରେ ପଡିଛି
 ମହାନଦୀ ପ୍ରସଙ୍ଗରେ ମୁଖ୍ୟମନ୍ତ୍ରୀ ଦୋ ମୁହାଁ ନୀତି ଅବଲମ୍ବନ କରୁଛନ୍ତି
 ମୋଦୀ ସରକାର ଗରୀବଙ୍କ ସରକାର
 ଆଗାମୀ ୨୦୨୨ ସୁଦ୍ଧା ସମସ୍ତଙ୍କ ପାଇଁ ପକ୍କା ଘର ନିର୍ମାଣର ଲକ୍ଷ୍ୟ ରଖିଛି ବିଜେପି
 ଦେଶର ୩ ଲକ୍ଷ ୬୫ ହଜାର ୯ଶହ ୯୬ କୋଟି ଟଙ୍କା ଡିବିଟି ଦ୍ୱାରା ଟ୍ରାନ୍ସଫର ହୋଇ ସଠିକ୍ ହିତାଧିକାରୀଙ୍କ ପାଖରେ ପହଂଚିଛି
 ମହିଳାଙ୍କୁ ସୁରକ୍ଷା ଓ ସମ୍ମାନ ଦେବା ପାଇଁ ମୋଦୀ ସରକାର ଦୃଢ ପ୍ରତିଶୃତି ବଦ୍ଧ
ଭାରତର ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ କହିଥିଲେ ଯେ, କେନ୍ଦ୍ର ୧ଶହ ଟଙ୍କା ପଠାଇଲେ ହିତାଧିକାରୀ ପାଖରେ ମାତ୍ର ୧୫ ପଇସା ପହଂଚେ । କିନ୍ତୁ ମୋଦି ସରକାର ଏହାକୁ ଭୃଲ ପ୍ରମାଣିତ କରି ଡିବିଟି ଅର୍ଥାତ୍ ଡାଇରେକ୍ଟ ବେନିଫିଟ ଟ୍ରାନ୍ସଫର ମାଧ୍ୟମରେ ପ୍ରକୃତ ହିତାଧିକାରୀଙ୍କ ପାଖରେ ସବସିଡି ଅର୍ଥ ପହଂଚାଇପାରିଛନ୍ତି ।
ଦେଶର ୩ ଲକ୍ଷ ୬୫ ହଜାର ୯ଶହ ୯୬ କୋଟି ଟଙ୍କା ଡିବିଟି ଦ୍ୱାରା ଟ୍ରାନ୍ସଫର ହୋଇଛି । ୪୩୧ଟି କେନ୍ଦ୍ରୀୟ ସ୍କିମର ସବସିଡି ରାଶି ଡିବିଟି ମାଧ୍ୟମରେ ଟ୍ରାନ୍ସଫର ହୋଇଛି । ଏହା ଦ୍ୱାରା ୮୮ ହଜାର କୋଟି ଟଙ୍କା ମୋଦି ସରକାର ଦଲାଲ ମାନଙ୍କଠାରୁ ବଂଚାଇ ରଖିପାରିଛନ୍ତି ବୋଲି ଡ. ପାତ୍ର କହିଛନ୍ତି ।
ମୋଦୀ ସରକାର ଗରୀବଙ୍କ ସରକାର । ଚାଷୀଙ୍କ ପାଇଁ ମୋଦି ସରକାରଙ୍କ ଅବଦାନ ଅତୁଳନୀୟ । ୨୦୨୨ ସୁଦ୍ଧା ଆୟ କୃଷକର ଆୟ କିପରି ଦ୍ୱିଗୁଣିତ ହୋଇପାରିବ ସେଥି ପାଇଁ ମୋଦି ସରକାର ବିଭିନ୍ନ ଯୋଜନାର କାର୍ଯ୍ୟକାରୀ କରିଛନ୍ତି । କଂଗ୍ରେସ ସମୟରେ ୟୁରିଆକୁ ଶତପ୍ରତିଶତ ନିମ କୋଟେଡ କରାଯାଉନଥିଲା । ଏହାର ପ୍ରଭାବ ରାଜରାସ୍ତାରେ ଦେଖିବାକୁ ମିଳୁଥିଲା । ବିଜେପି ସରକାର ଶତ ପ୍ରତିଶତ ନିମ କୋଟେଡ ୟୁରିଆ ପାଇଁ କାର୍ଯ୍ୟ କରିଛି । ପ୍ରଧାନମନ୍ତ୍ରୀ ଫସଲ ଯୋଜନା ମାଧ୍ୟମରେ ଅନେକ ଚାଷୀ ଉପକୃତ ହୋଇଛନ୍ତି । ମୋଦି ସରକାର ଖରିଫ ଫସଲର ଉତ୍ପାଦନ ମୂଲ୍ୟରେ ଦେଢଗୁଣା ସର୍ବନିମ୍ନ ସହାୟକ ମୂଲ୍ୟ ଚାଷୀଙ୍କୁ ଯୋଗାଇବା ଏକ ଏ÷÷୍ୟତିହାସିକ ପଦେକ୍ଷପ ବୋଲି ଡ.ପାତ୍ର କହିଛନ୍ତି ।
ନାରୀ ସମ୍ମାନ ପାଇଁ ମୋଦୀ ସରକାର ସର୍ବଦା କାର୍ଯ୍ୟରତ । ୧୨ ବର୍ଷ ପର୍ଯ୍ୟନ୍ତ ନାବଳିକାକୁ ଦୁଷ୍କର୍ମ କଲେ ଦୋଷୀ ପାଇଁ ଫାଶୀ ଦଣ୍ଡାଦେଶର ଆଇନ ଆଣିବା ଏକ ଏ÷÷୍ୟତିହାସିକ ପଦକ୍ଷେପ ।
ମୁଦ୍ରା ଓ ଷ୍ଟାଣ୍ଡ ଅପ ମାଧ୍ୟମରେ ଦେଶର ୯ କୋଟି ମହିଳା ସଶକ୍ତିକରଣ ହୋଇପାରିଛନ୍ତି । ୭୦ ପ୍ରତିଶତ ମହିଳା ମାନଙ୍କୁ ମୁଦ୍ରା ଯୋଜନାରେ ସାମିଲ କରାଯାଇଛି । ପ୍ରଧାନମନ୍ତ୍ରୀ ସୁରକ୍ଷିତ ମାତୃତ୍ୱ ଅଭିଯାନ ମାଧ୍ୟମରେ ୧.୧୬ କୋଟି ମହିଳା ଉପକୃତ ହୋଇଛନ୍ତି । ପ୍ରଧାନମନ୍ତ୍ରୀ ମାତୃ ବନ୍ଦନା ଯୋଜନା ଦ୍ୱାରା ୬ ହଜାର ଟଙ୍କାର ସହାୟତା ରାଶି ଗର୍ଭବତୀ ମହିଳାଙ୍କୁ ଯୋଗାଇ ଦିଆଯିବା ସହ ୫୦ ଲକ୍ଷ ମହିଳା ଏହି ଯୋଜନାରେ ଲାଭ ଉଠାଇଛନ୍ତି ବୋଲି ଡ. ପାତ୍ର କହିଛନ୍ତି ।
ମୋଦୀ ସରକାର ଦେଶର ଶିକ୍ଷିତ ଯୁବକ ଓ ଯୁବତୀମାନଙ୍କ ଉଚ୍ଚଶିକ୍ଷା ପାଇଁ ୭ଟି ଆଇଆଇଟି, ୭ଟି ଆଇଆଇଏମ, ୧୪ଟି ଟ୍ରିପଲ ଆଇଟି, ୧ଟି ଏନଆଇଟି, ୧୦୩ଟି କେନ୍ଦ୍ରୀୟ ବିଦ୍ୟାଳୟ ଏବଂ ୬୨ଟି ନବଦୋୟ ବିଦ୍ୟାଳୟ ଖୋଲି ଶିକ୍ଷା ପଦ୍ଧତିରେ ଏକ ନୂଆ ସଂସ୍କାର ଆଣିଛନ୍ତି ।
ମୁଦ୍ରା ଯୋଜନା ମାଧ୍ୟମରେ ସ୍ୱରୋଜଗାରକୁ ଆଗକୁ ବଢାଇବା ପାଇଁ ୧୨ କୋଟି ଯୁବକ ମାନଙ୍କୁ ଋଣ ମାଧ୍ୟମରେ ୩ ଲକ୍ଷ କୋଟିରୁ ଅଧିକ ଅର୍ଥ ପ୍ରଦାନ କରାଯାଇଛି । ପ୍ରଧାନମନ୍ତ୍ରୀ କୌଶଲ ବିକାଶ ଯୋଜନାରେ ୧୩ ହଜାର ପ୍ରଶିକ୍ଷଣ କେନ୍ଦ୍ର ଖୋଲି ୩୭୫ଟି ବିଭାଗରେ ଯୁବକ ଯୁବତୀମାନଙ୍କୁ ପ୍ରଶିକ୍ଷଣ ଦିଆଯାଇଛି ବୋଲି ଡ. ପାତ୍ର କହିଛନ୍ତି ।
ସ୍ୱାସ୍ଥ୍ୟ ପାଇଁ ଆୟୁଷ୍ମାନ ଭାରତ ନମୋ କେୟାର ମାଧ୍ୟମରେ ୫ ଲକ୍ଷ ଟଙ୍କା ଲେଖାଏଁ ୧୦ କୋଟି ପରିବାର ତଥା ୫୦ କୋଟି ଲୋକଙ୍କ ପାଖରେ ପହଂଚାଯିବାର ଲକ୍ଷ୍ୟ ରହିଛି । ବିଗତ ବଜେଟରେ ୯୫ ହଜାର କୋଟି ଟଙ୍କା ଅନୁସୂଚିତ ଜାତି ଜନଜାତି ବର୍ଗର ଲୋକଙ୍କ ବିକାଶ ପାଇଁ ବ୍ୟୟ ବରାଦ କରାଯାଇଛି ବୋଲି ଡ. ପାତ୍ର କହିଛନ୍ତି ।
ସ୍ୱାଧୀନତାର ୭୦ ବର୍ଷ ପରେବି କଂଗ୍ରେସ ପ୍ରତି ଗାଁରେ ବିଦ୍ୟୁତ ପହଂଚାଇ ପାରିନଥିଲା । ମୋଦି ସରକାର ୧୮ ହଜାର ରାଜସ୍ୱ ଗାଁରେ ବିଦ୍ୟୁତ ପହଂଚାଇ ପାରିଛି । ସୌଭାଗ୍ୟ ଯୋଜନା ଅନୁସାରେ ୬ ଲକ୍ଷ ପଡା ଗାଁ ଏବଂ ୧ କୋଟି ପରିବାରକୁ ବିଦ୍ୟୁତ ସଂଯୋଗ କରାଯାଇଛି । ଆଗାମୀ ଦିନରେ ଆହୁରି ୪ କୋଟି ଘରକୁ ବିଦ୍ୟୁତ ଯୋଗାଇବାର ଲକ୍ଷ୍ୟ ରହିଛି ବୋଲି ଡ. ପାତ୍ର କହିଛନ୍ତି ।
ଡ. ପାତ୍ର ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି । ରାଜ୍ୟର ମୁଖ୍ୟମନ୍ତ୍ରୀଙ୍କ ଅପାରଗତା ପାଇଁ ଓଡିଶା ଆଜି ପଛରେ ପଡିଛି । ଆମେ ମୁଦ୍ରା – ସିଏ ନିଦ୍ରା, ଆମେ ଷ୍ଟାଣ୍ଡ ଅପ- ସିଏ ସିଟ୍ ଡାଉନ , ଆମେ ଷ୍ଟାର୍ଟ ଅପ -ସିଏ ସର୍ଟ ଅଫ ବୋଲି ବୋଲି ଡ. ପାତ୍ର କହିଛନ୍ତି ।
କଂଗ୍ରେସ ସରକାର ସମୟରେ ଜାତୀୟ ରାଜପଥ ପ୍ରତିଦିନ ମାତ୍ର ୧୨ କିମି ନିର୍ମାଣ ହେଉଥିଲା । ଏବେ ମୋଦି ସରକାରରେ ୨୭ କିମି ସଡକ ନିର୍ମାଣ ହେଉଛି । ଜାତୀୟ ରାଜପଥ ୨୦୧୩-୧୪ ମସିହା ଯାଏଁ ୯୨ ହଜାର ୮ ଶହ ୫୧ କମି ତିଆରି ହୋଇଥିବାବେଳେ ୨୦୧୭-୧୮ ମସିହାରେ ୧ ଲକ୍ଷ ୨୦ ହଜାର ୫ ଶହ ୪୩ ଜାତୀୟ ରାଜପଥ ତିଆରି ହୋଇପାରିଛି ।
ଗ୍ରାମୀଣ ସଡକ ପରିଯୋଜନାରେ ୨୦୧୩-୧୪ମସିହାରେ ମାତ୍ର ୬୯ କିମି ସଡକ ନିର୍ମାଣ ହେଉଥିଲା ଏବେ ୨୦୧୭-୧୮ରେ ୧୩୪ କିମି ସଡକ ପ୍ରତିଦିନ ତିଆରି ହୋଇପାରୁଛି । ଚଳିତ ବର୍ଷ ରେଳ ଦୁର୍ଘଟଣା ୬୨ ପ୍ରତିଶତ କମ ହୋଇଛି । ଏଥି ସହ ୫୦ ପ୍ରତିଶତ ନୂଆ ରେଳପଥ ନିର୍ମାଣ ହୋଇଛି ବୋଲି ଡ. ପାତ୍ର କହିଛନ୍ତି ।
ଗୋପାଳପୁର ଦୀଘା ଉପକୂଳ ରାଜପଥ, ଉଜ୍ଜା ଗଙ୍ଗା, ପାରାଦୀପ ବନ୍ଦରର ନବୀକରଣ, ସମ୍ବଲପୁରରେ ନୂତନ ଆଇଆଇଏମ ସ୍ଥାପନ ହେବା ଏବଂ ଜାତୀୟ ରାଜପଥ ନିର୍ମାଣ ପାଇଁ ୩୬ ହଜାର କୋଟି ଟଙ୍କା ଓଡିଶାକୁ ପ୍ରଦାନ କରାଯାଇଛି । ଯେଉଁ ଦେଶର ସଡକ ଉନ୍ନତ ସେହି ଦେଶ ସେତିକି ପ୍ରଗତିଶୀଳ । ଅଟଳ ସରକାର ପୂର୍ବରୁ ୧୬ଶହ କିମି ଜାତୀୟ ରାଜପଥ ଥିଲା ପରେ ୩୨ ଶହ କିମି ଏବଂ ଏବେ ମୋଦି ସରକାର ସମୟରେ ୪୮ଶହ ଜାତୀୟ ରାଜପଥ ନିର୍ମାଣ ହୋଇଛି ବୋଲି ଡ. ପାତ୍ର କହିଛନ୍ତି ।
ଅପାର ସମ୍ଭାବନାର ରାଜ୍ୟ ହେଉଛି ଓଡିଶା । ଏହା ସତ୍ୱେ ଓଡିଶା ଆଜି ପଛରେ ରହିଛି । ଦୀର୍ଘ ୧୮ ବର୍ଷ ଶାସନର ରିପୋର୍ଟ କାର୍ଡ ନବୀନ ବାବୁ ଦିଅନ୍ତୁ । ୪ବର୍ଷ ଶାସନ କରି ପ୍ରତି ବର୍ଷ ମୋଦି ସରକାର ଦେଶବାସୀଙ୍କୁ ରିପୋର୍ଟ କାର୍ଡ ଦେଉଛନ୍ତି । ଏତେ ବର୍ଷ ଶାସନ ଭିତରେ ନବୀନ ବାବୁ ଗୋଟିଏ ବର୍ଷ ତାଙ୍କ ରିପୋର୍ଟ କାର୍ଡ ପ୍ରସ୍ତୁତ କରିଛନ୍ତି କି ବୋଲି ଡ. ପାତ୍ର ପ୍ରଶ୍ନ ଉଠାଇଛନ୍ତି ।
ମହାନଦୀ ପ୍ରସଙ୍ଗରେ ମୁଖ୍ୟମନ୍ତ୍ରୀ ଦୋ ମୁହାଁ ନୀତି ଅବଲମ୍ବନ କରୁଛନ୍ତି । ଗୋଟିଏ ପଟେ ମୁଖ୍ୟମନ୍ତ୍ରୀ ହୋଇ ଗୋଟିଏ ବକ୍ତବ୍ୟ ରଖିବା ଏବଂ ଅନ୍ୟପଟେ ଦଳର ସଭାପତି ଭାବେ ଅନ୍ୟ ଏକ ବୟାନ ରଖିବା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ଡ. ପାତ୍ର କହିଛନ୍ତି ।
ମହାନଦୀ ଜଳ ବିବାଦ ପ୍ରସଙ୍ଗର ସମାଧାନ ଖୁବ ଶ୍ୀଘ୍ର ହେବା ଦରକାର । କେନ୍ଦ୍ର ସରକାର ଆଲୋଚନା ମାଧ୍ୟମରେ ଏହି ବିବାଦର ସମାଧାନ କରିବାକୁ ଚାହୁଁଥିଲେ । ଆପୋଷ ବୁଝାମଣାରେ ଏହି ପ୍ରସଙ୍ଗ ସମାଧାନ ହୋଇପାରିଥାନ୍ତା । କିନ୍ତୁ ନବୀନ ସରକାର ଏହାର ସମାଧାନ ନକରି ସାଧାରଣ ଲୋକଙ୍କୁ ବିଭ୍ରାନ୍ତି କରି ରାଜନୀତି ଆରମ୍ଭ କରିବା ଅତ୍ୟନ୍ତ ନିନ୍ଦନୀୟ ଘଟଣା ବୋଲି ଡ. ପାତ୍ର କହିଛନ୍ତି ।
ଗତଗର୍ଷ ଡିସେମ୍ବର ମାସରେ ବିଧାନସଭା ଗୃହରେ ମୁଖ୍ୟମନ୍ତ୍ରୀ କହିଥିଲେ କି ଉଚିତ୍ ମାତ୍ରାରେ ପାଣି ଓଡିଶାକୁ ମିଳୁଛି । ମହାନଦୀର ୫୩ ପ୍ରତିଶତ ଜଳ ସମୁଦ୍ରକୁ ଚାଲିଯାଉଛି ବୋଲି ମୁଖ୍ୟମନ୍ତ୍ରୀ ବୟାନ ଦେଇଥିଲେ । ୨୦୫୧ ସୁଦ୍ଧା ଜଳ ସଂରକ୍ଷଣ କରିବେ ବୋଲି କହିବା ଏବଂ ଅନ୍ୟପଟେ ଦଳର ଅଧ୍ୟକ୍ଷ ଭାବେ ମୋଦୀ ଏ ବିଷୟରେ ଚିନ୍ତା କରୁନାହାଁନ୍ତି କହି ଅନ୍ୟ ଉପରେ ଦୋଷ ଲଦିବା ଅତ୍ୟନ୍ତ ଦୁର୍ଭାଗ୍ୟଜନକ । ଆଗାମୀ ଦିନରେ ଓଡିଶାବାସୀ ଏହାର ଉତର ଦେବେ ବୋଲି ଡ. ପାତ୍ର ଦୃଢୋକ୍ତି ପ୍ରକାଶ କରିଛନ୍ତି ।
ଏହି ସାମ୍ବାଦିକ ସମ୍ମିଳନୀରେ ରାଜ୍ୟ ବିଜେପି ଉପସଭାପତି ସମୀର ମହାନ୍ତି, ରାଜ୍ୟ ସଂପାଦକ କାଳନ୍ଦୀ ସାମଲ ଏବଂ ରାଜ୍ୟ ପ୍ରବକ୍ତା ଗୋଲକ ମହାପାତ୍ର ପ୍ରମୁଖ ଉପସ୍ଥିତ ଥିଲେ ।