ଭୁବନେଶ୍ବର: କଂଗ୍ରେସରେ ଗୋଡଟଣା ରାଜନୀତି ଥମିବାର ନାଁ ନେଉନାହିଁ। ଉଗ୍ରରୂପ ନେଉଛି ଅନ୍ତଃକନ୍ଦଳ। ରାଜ୍ୟ କଂଗ୍ରେସ ଭବନ ଭିତରେ ଦଳକୁ ସୁଦୃଢ କରିବାକୁ ଚାଲିଛି ମାରାଥନ ବୈଠକ।
କଂଗ୍ରେସ ସଙ୍ଗଠନକୁ ସୁଦୃଢ଼ କରିବା ନେଇ ରାଜ୍ୟ କଂଗ୍ରେସ ପ୍ରଭାରୀ ଜିତେନ୍ଦ୍ର ସିଂହ ୪ଦିନ ହେବ ଓଡିଶାରେ ଡେରା ପକାଇଛନ୍ତି। ଜିଲ୍ଲାସ୍ତରୀୟ କର୍ମୀ, ନେତା ଓ ଦଳୀୟ ସଦସ୍ୟଙ୍କ ସହ ଜିଲ୍ଲାୱାରି ମାରାଥନ ବୈଠକ ଚାଲିଛି। ଏଥିରେ ପିସିସି ସଭାପତି ନିରଞ୍ଜନ ପଟ୍ଟନାୟକ ଉପସ୍ଥିତ ଅଛନ୍ତି।
ଅନ୍ୟପଟେ କଂଗ୍ରେସ ଭବନ ବାହରେ କିଛି ଅଲଗା ଦୃଶ୍ୟ ଦେଖବାକୁ ମିଳିଛି। ‘ନିରଞ୍ଜନ ହଟାଓ’ ନାରାରେ କମ୍ପୁଛି ପୁରା ପରିବେଶ । ଯେତେ ଲୁଚାଇଲେ ମଧ୍ୟ କଂଗ୍ରେସର ଏହି ଅନଃକନ୍ଦଳ ହାଟରେ ପଡି ଦାଣ୍ଡରେ ଗଡୁଛି। ଛାତ୍ର କଂଗ୍ରସ ସଭାପତି ପଦରୁ ଇତିଶ ପ୍ରଧାନଙ୍କ ନିଲମ୍ବନ ନେଇ ନାରାବାଜି କରିଛନ୍ତି ତାଙ୍କର ସମର୍ଥକ। ପିସିସି ପରିବର୍ତ୍ତନ ନେଇ ଦାବି କରିଛନ୍ତି ବିଭିନ୍ନ ନିର୍ବାଚନମଣ୍ଡଳୀରୁ ଆସିଥିବା ନେତା ଓ କର୍ମୀ। ଏପରି ସ୍ଥିତିରେ ରାଜ୍ୟ କଂଗ୍ରେସ କିପରି ଆଗକୁ ବଢୁଛି ତା ଉପରେ ରହିଛି ନଜର।