ନୂଆଦିଲ୍ଲୀ: ସ୍କୁଲ୍ ଦ୍ୱାରା ହେଉଥିବା ଅନ୍ଲାଇନ୍ କ୍ଲାସ୍ ପାଇଁ ମଙ୍ଗଳବାର ଦିନ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରାଳୟ ଗାଇଡ୍ଲାଇନ୍ ଜାରି କରିଛି। ଏଥିରେ ମନ୍ତ୍ରାଳୟ ଛାତ୍ରଛାତ୍ରୀଙ୍କ ପାଇଁ ସ୍କ୍ରିନ୍ ସମୟ ନିର୍ଦ୍ଧାରଣ କରିଛି।
ଗାଇଡ୍ଲାଇନ୍ରେ କୁହାଯାଇଛି ଯେ, ପ୍ରି-ପ୍ରାଇମେରି ଛାତ୍ରଛାତ୍ରୀମାନଙ୍କ ପାଇଁ ଅନ୍ଲାଇନ୍ କ୍ଲାସ୍ ୩୦ ମିନିଟ୍ରୁ ଅଧିକ ହେବା ଅନୁଚିତ। ଏଥିରେ ଅଭିଭାବକମାନଙ୍କ ସହ ଆଲୋଚନା ଏବଂ ସେମାନଙ୍କୁ ମାର୍ଗ ଦର୍ଶନ କରାଇବାରେ ୩୦ ମିନିଟ୍ରୁ ଅଧିକ ସମୟ ନ ଲାଗିବା ଉଚିତ।
Related Posts
ସେହିପରି ପ୍ରଥମରୁ ଅଷ୍ଟମ ଶ୍ରେଣୀ ନିମନ୍ତେ ୩୦ ରୁ ୪୫ ମିନିଟ୍ ଲେଖାଏଁ ଦୁଇଟି ଅନ୍ଲାଇନ୍ ସେସନ୍ କରାଯିବା ଉଚିତ। ନବମରୁ ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀଙ୍କ ନିମନ୍ତେ ୩୦ ରୁ ୪୫ ମିନିଟ୍ ସମୟ ଅବଧିର ୪ଟି ସେସନ୍ ହେବା ଉଚିତ।
ସ୍କୁଲ୍ମାନେ ଅନ୍ଲାଇନ୍ ପାଠ୍ୟକ୍ରମ ପାଇଁ ଏନ୍ସିଇଆର୍ଟି ଅଲ୍ଟର୍ନେଟିଭ୍ ଏକାଡେମିକ୍ କ୍ୟାଲେଣ୍ଡର୍ ଅନୁସରଣ କରିବା ଉଚିତ ବୋଲି ମାନବ ସମ୍ବଳ ବିକାଶ ମନ୍ତ୍ରାଳୟ କହିଛି।