ନୂଆଦିଲ୍ଲୀ: ଆସନ୍ତାକାଲି (ଅଗଷ୍ଟ ୧୪)ରେ ରାଷ୍ଟ୍ରପତି ରାମନାଥ କୋବିନ୍ଦ ୭୩ତମ ସ୍ୱାଧୀନତା ଦିବସ ଉପଲକ୍ଷେ ରାଷ୍ଟ୍ର ଉଦ୍ଦେଶ୍ୟରେ ଉଦବୋଧନ ଦେବେ। ରାଷ୍ଟ୍ରପତିଙ୍କ ସମ୍ବୋଧନ ଆସନ୍ତାକାଲି ସନ୍ଧ୍ୟା ୭ଟାରୁ ଅଲ ଇଣ୍ଡିଆ ରେଡିଓର ସମସ୍ତ ଜାତୀୟ ନେଟୱାର୍କ ସହିତ ଦୂରଦର୍ଶନର ସମସ୍ତ ଚ୍ୟାନେଲରେ ହିନ୍ଦୀରେ ପ୍ରସାରିତ ହେବ। ପରେ ଏହାର ଇଂରାଜୀରେ ପ୍ରସାରଣ କରାଯିବ। ରାଷ୍ଟ୍ରପତିଙ୍କ ଉଦବୋଧନ ଦୂରଦର୍ଶନରେ ହିନ୍ଦୀ ଏବଂ ଇଂରାଜୀରେ ପ୍ରସାରଣ କରାଯିବା ପରେ ଆଞ୍ଚଳିକ ଭାଷାରେ ଆଞ୍ଚଳିକ ଚ୍ୟାନେଲଗୁଡ଼ିକରେ ପ୍ରସାରିତ ହେବ। ସନ୍ଧ୍ୟା ୮ଟାରୁ ଅଲ୍ଇଣ୍ଡିଆ ରେଡିଓର ଆଞ୍ଚଳିକ ନେଟୱାର୍କ ଜରିଆରେ ଆଞ୍ଚଳିକ ଭାଷାରେ ରାଷ୍ଟ୍ରପତିଙ୍କ ଅଭିଭାଷଣ ପ୍ରସାରଣ କରାଯିବ ବୋଲି ଜଣାପଡ଼ିଛି।
