‘ମିସ୍ ଇଣ୍ଡିଆ ୟୁନିଭର୍ସ’, ‘ମିସ୍ ଟୁରିଜିମ୍ କ୍ୱିନ୍ ଅଫ୍ ଦି ଇୟର୍’, ‘ମିସ୍ ଏସିଆନ୍ ସୁପର୍ ମଡେଲ୍’ ଭଳି ଟାଇଟଲ୍ ହାସଲ କରିବା ପରେ ଫିଲ୍ମ ଦୁନିଆରେ ପାଦ ରଖିଥିବା ଉର୍ବଶୀ ରାଉତେଲାଙ୍କ ମନରେ ରହଯାଇଛି ଏକ ଦୁଃଖ । ଯାହାକୁ ସେ ନିଜ ଜୀବନର ଅଧୁରା ସ୍ୱପ୍ନ ବୋଲି କହୁଛନ୍ତି । କଥା ହେଉଛି, ପିଲାଦିନେ ସ୍କୁଲ୍ରେ ପଢ଼ିବା ବେଳେ ସବୁବେଳେ ଡ୍ରାମାରେ ରାଧା ହେବାକୁ ଇଚ୍ଛୁକ ଥିଲେ । କିନ୍ତୁ ଡେଙ୍ଗୀ ହୋଇଥିବାରୁ ରାଧା ହେବା ସୁଯୋଗ ତାଙ୍କୁ ସବୁବେଳେ ହାତଛଡ଼ା କରିବାକୁ ପଡୁଥିଲା । ନୃତ୍ୟ ପଞ୍ଚଶୈଳୀ ଭାରତ ନାଟ୍ୟମ୍, କଥକ, ହିପ୍ହପ୍, ଜାଜ୍ ଏବଂ ବେଲି ଡ୍ୟାନ୍ସରେ ସେ ଖୁବ୍ ପାରଙ୍ଗମ । ବାସ୍କେଟ୍ବଲ୍ରେ ରାଷ୍ଟ୍ରୀୟ ସ୍ତରର ଖେଳାଳି ଭାବେ ଖ୍ୟାତି ଅର୍ଜନ କରିଥିବା ଉର୍ବଶୀ ପ୍ରକୃତରେ ଇଞ୍ଜିନିୟର ହେବାକୁ ଆଶା ବାନ୍ଧିଥିଲେ । ଆଇଆଇଟି ପରୀକ୍ଷା ବି ଦେଇଥିଲେ । ମାତ୍ର ୧୭ ବର୍ଷ ବୟସରେ ସୌନ୍ଦର୍ଯ୍ୟ ପ୍ରତିଯୋଗିତାରେ ଅଂଶଗ୍ରହଣ କରିବା ପରେ ଇଞ୍ଜିନିୟର୍ ହେବା ସ୍ଥାନରେ ବନିଗଲେ ମଡେଲ୍ କମ୍ ଅଭିନେତ୍ରୀ । ଇତିମଧ୍ୟରେ ସେ ଅନେକଗୁଡ଼ିଏ ଫିଲ୍ମରେ ନିଜ ବୋଲ୍ଡ ଅନ୍ଦାଜ୍ରେ ଦର୍ଶକଙ୍କୁ ଦିୱାନା କରିସାରିଲେଣି । କିନ୍ତୁ ଆଜି ବି ମନ ଭିତରେ ରହିଯାଇଛି ସେଇ ରାଧା ହେବାର ଦୁଃଖ ।
