ଭୁବନେଶ୍ୱର : ତୈଳଦର ବୃଦ୍ଧି ମାମଲାରେ ବିଜେଡିର ଆନ୍ଦୋଳନ ଘୋଷଣା ଦଳର ବୌଦ୍ଧିକ ଦେବାଳିଆ ହେବାର ପ୍ରମାଣ ବୋଲି ବିଜେପି ରାଜ୍ୟ ମୁଖପାତ୍ର ଗୋଲକ ମହାପାତ୍ର ଏକ ସାମ୍ବାଦିକ ସମ୍ମିଳନୀରେ କହିଛନ୍ତି । ଶ୍ରୀ ମହାପାତ୍ର କହିଛନ୍ତି ସେ ତୈଳଦର ବୃଦ୍ଧି ଓ ଓଡିଶା କୁ ଆର୍ଥିକ ଲାଭନେଇ କିଛି ତଥ୍ୟ ଉପସ୍ଥାପିତ କରୁଛନ୍ତି ଯାହା ବିଜେଡି ସରକାର ଓ ଦଳର ପ୍ରତିନିଧି ମାନେ ଏହି ତଥ୍ୟ ଆଧାରରେ ଜନସାଧାରଣରେ ଉତର ସ୍ପଷ୍ଟ କରିବାକୁ ଶ୍ରୀ ମହାପାତ୍ର କହିଛନ୍ତି । ୨୦୧୪ ମସିହାରେ ପେଟ୍ରୋଲ ଓ ଡିଜେଲ ଉପରେ ରାଜ୍ୟ ସରକାର ୨୧.୨ ପ୍ରତିଶତ ଟିକସ ଲଗାଇଥିବା ବେଳେ ଆଜି ଦିନରେ ଏହି ଟିକସ ୨୬ ପ୍ରତିଶତ ନା ଏହା ମିଛ ଏହା ସ୍ପଷ୍ଟ କରନ୍ତୁ ବୋଲି ଶ୍ରୀ ମହାପାତ୍ର ପ୍ରଶ୍ନ କରିଛନ୍ତି ।
୨୦୧୪ ମସିହାରେ ଲିଟର ପିଛା ପେଟ୍ରୋଲରେ ଟ ୧୧.୦୫ ପଇସା ଓ ଡିଜେଲ ଟ ୯.୩୯ ଟିସକ ନେଉଥିବା ବେଳେ ଆଜି ଦିନରେ ତା ୧୫.୪୫ ଓ ଡିଜେଲ ଲିଟର ପିଛା ୧୫.୩୩ ପଇଷା ନିଜସ୍ୱ ଟିକସ ନେବା ସତ ନା ମିଛ ଏହା ବିଜେଡି ତରଫରୁ ସ୍ପଷ୍ଟ କରିବାକୁ ଶ୍ରୀ ମହାପାତ୍ର କହିଛନ୍ତ । ଚତୁର୍ଦ୍ଦଶ ଅର୍ଥ କମିଶନ ସୁପାରିଶ ଲାଗୁ ପରେ କେନ୍ଦ୍ରୀୟ ଟିକସର ୪୨ ଭାଗ ରାଜ୍ୟ ସରକାରଙ୍କ ତହବିଲକୁ ଯାଉଛି ନା ନାହିଁ ବିଜେଡି ଏହା ସ୍ପଷ୍ଟ କରୁ ବୋଲି ଶ୍ରୀ ମହାପାତ୍ର କହିଛନ୍ତି ।
୨୦୧୪-୧୫ ଆର୍ଥିକ ବର୍ଷରେ ରାଜ୍ୟ ସରକାର ମୋଟ ତୈଳରୁ ୩୦୪୬ କୋଟି ଟିକସ ପାଇଥିଲେ ଯାହା ରାଜ୍ୟ ରାଜସ୍ୱର ୮.୫ ପ୍ରତିଶତ ଥିଲା । ଚଳିତ ବର୍ଷ ରାଜ୍ୟ ସରକାର ୬୯୩୦ କୋଟି ରାଜସ୍ୱ ପାଇଛନ୍ତି , ଯାହା ରାଜ୍ୟର ମୋଟ ରାଜସ୍ୱର ୧୨ ପ୍ରତିଶତ । ୨୦୧୪ରୁ ୨୦୧୮ ମଧ୍ୟରେ ତୈଳରୁ ରାଜ୍ୟର ଟିକସ ଆଦାୟ ୧୨୭ ପ୍ରତିଶତ ବୃଦ୍ଧିକୁ ବିଜେଡି ସ୍ୱୀକାର କରିବାରେ କୁଣ୍ଠାବୋଧ କରିବ ନାହିଁ ବୋଲି ଶ୍ରୀ ମହାପାତ୍ର ଆଶାବ୍ୟକ୍ତ କରିଛନ୍ତି ।
ଏହାସହ କେନ୍ଦ୍ର ସରକାର କେନ୍ଦ୍ରୀୟ ଟିକସରୁ ୨ ଟଙ୍କା କମ କରିଥିବା ବେଳେ ରାଜ୍ୟ ସରକାର ନିଜ ଟିକସ ପଇଷା ଟିଏ ବି କମାଇ ନାହାନ୍ତି । ଆଜି ଦିନରେ ଉତରପ୍ରଦେଶରେ ଓ ଉତରାଖଣ୍ଡରେ ୧୭ ପ୍ରତିଶତ । ତ୍ରିପୁରାରେ ୧୩.୫, ମହାରଷ୍ଟ୍ରରେ ୨୨, ମଧ୍ୟପ୍ରଦେଶ ଓ ଝାଡଖଣ୍ଡରେ ୨୩ ତଥା ତ୍ରିପୁରାରେ ୧୩.୫ ପ୍ରତିଶତ ଟିକସ ଥିବା ବେଳେ ଓଡିଶାରେ ୨୬ ପ୍ରତିଶତ ନିଜସ୍ୱ ଟିକସ ସଂଗ୍ରହ କରୁଛି । ଅପରପକ୍ଷେ କେନ୍ଦ୍ର ସରକାର ତୈଳରୁ ଯେଉଁ ଟିକସ ସଂଗ୍ରହ କରୁଛି ତାହା ଦ୍ୱାରା ଓଡିଶା ସମେତ ରାଜ୍ୟମାନେ ଲାଭବାନ ହେଉଛନ୍ତି । ୨୦୧୩-୧୪ ମସିହାରେ କେନ୍ଦ୍ରୀୟ ଟିକସରେ ଅଂଶ ଓ କେନ୍ଦ୍ରୀୟ ଅନୁଦାନ ଉଭୟ ମିଶି ୨୩୬୭୬.୫୨ କୋଟି ମିଳିଥିବା ବେଳେ ୨୦୧୮-୧୯ରେ ଏହା ୬୧,୩୫୦.୦୦ କୋଟିରେ ପହଁଚିବା ସତ୍ୟ ନା ନାହିଁ ବିଜେଡି ସ୍ପଷ୍ଟ କରିବାକୁ ଶ୍ରୀ ମହାପାତ୍ର କହିଛନ୍ତି ।
କଂଗ୍ରେସର ତୈଳ ମୂଲ୍ୟବୃଦ୍ଧି ମାମଲାରେ ୨୦୦୫ରୁ ୨୦୧୦ ମସିହା ମଧ୍ୟରେ ଉପା ସରକାର ୧.୪ ଲକ୍ଷ କୋଟିଟଙ୍କାର ଅଏଲ ବଣ୍ଡ ଜାରି କରି ଏହି ଅର୍ଥ ବୋଝରୁ ଦେଶ ଉପରେ ଲଦି ଦେଇଥିଲେ । ଯାହାକୁ ୨୦୨୫ ମସିହା ସୁଦ୍ଧା ଫେରାଇବାକୁ ପଡିବ । ଏହି ବାବଦରେ ଭାରତ ସରକାରଙ୍କୁ ଆଜି ଦିନରେ ବାର୍ଷିକ ୧୦ ହଜାର କୋଟି ର ସୁଧ ଦେବାକୁ ପଡୁଛି । ଆଜି ଦିନରେ ଏହି ବଣ୍ଡ ବାବଦରେ ୧.୩ ଲକ୍ଷ କୋଟିଟଙ୍କାର ବୋଝ ସରକାରଙ୍କ ଉପରେ ରହିଛି । ମୋଦି ସରକାର ଦେଶର ଭବିଷ୍ୟତ ପୀଢି ଉପରେ କଂଗ୍ରେସ ପରି ଋଣଭାର ଲଦୁ ନାହିଁ ବୋଲି ଶ୍ରୀ ମହାପାତ୍ର କହିଛନ୍ତି ।
୨୦୧୪ ମସିହାରେ ପେଟ୍ରୋଲ ଓ ଡିଜେଲ ଉପରେ ରାଜ୍ୟ ସରକାର ୨୧.୨ ପ୍ରତିଶତ ଟିକସ ଲଗାଇଥିବା ବେଳେ ଆଜି ଦିନରେ ଏହି ଟିକସ ୨୬ ପ୍ରତିଶତ ନା ଏହା ମିଛ ଏହା ସ୍ପଷ୍ଟ କରନ୍ତୁ
୨୦୧୪ ମସିହାରେ ଲିଟର ପିଛା ପେଟ୍ରୋଲରେ ଟ ୧୧.୦୫ ପଇସା ଓ ଡିଜେଲ ଟ ୯.୩୯ ଟିକସ ନେଉଥିବା ବେଳେ ଆଜି ଦିନରେ ତା ୧୫.୪୫ ଓ ଡିଜେଲ ଲିଟର ପିଛା ୧୫.୩୩ ପଇସା ନିଜସ୍ୱ ଟିକସ ନେବା ସତ ନା ମିଛ
ଚତୁର୍ଦ୍ଦଶ ଅର୍ଥ କମିଶନ ସୁପାରିଶ ଲାଗୁ ପରେ କେନ୍ଦ୍ରୀୟ ଟିକସର ୪୨ ଭାଗ ରାଜ୍ୟ ସରକାରଙ୍କ ତହବିଲକୁ ଯାଉଛି ନା ନାହିଁ ବିଜେଡି ଏହା ସ୍ପଷ୍ଟ କରୁ
୨୦୧୪-୧୫ ଆର୍ଥିକ ବର୍ଷରେ ରାଜ୍ୟ ସରକାର ମୋଟ ତୈଳରୁ ୩୦୪୬ କୋଟି ଟିକସ ପାଇଥିଲେ ଯାହା ରାଜ୍ୟ ରାଜସ୍ୱର ୮.୫ ପ୍ରତିଶତ ଥିଲା । ଚଳିତ ବର୍ଷ ରାଜ୍ୟ ସରକାର ୬୯୩୦ କୋଟି ରାଜସ୍ୱ ପାଇଛନ୍ତି , ଯାହା ରାଜ୍ୟର ମୋଟ ରାଜସ୍ୱର ୧୨ ପ୍ରତିଶତ
୨୦୧୪ରୁ ୨୦୧୮ ମଧ୍ୟରେ ତୈଳରୁ ରାଜ୍ୟର ଟିକସ ଆଦାୟ ୧୨୭ ପ୍ରତିଶତ ବୃଦ୍ଧିକୁ ବିଜେଡି ସ୍ୱୀକାର କରିବାରେ କୁଣ୍ଠାବୋଧ କରିବ ନାହିଁ ବୋଲି ଆଶା
୨୦୦୫ରୁ ୨୦୧୦ ମସିହା ମଧ୍ୟରେ ଉପା ସରକାର ୧.୪ ଲକ୍ଷ କୋଟିଟଙ୍କାର ଅଏଲ ବଣ୍ଡ ଜାରି କରି ଏହି ଅର୍ଥ ବୋଝରୁ ଦେଶ ଉପରେ ଲଦି ଦେଇଥିଲେ ।
ଏହି ଅଏଲ ବଣ୍ଡ ବୋଝକୁ ୨୦୨୫ ମସିହା ସୁଦ୍ଧା ଫେରାଇବାକୁ ପଡିବ ।
ଏହି ବାବଦରେ ଭାରତ ସରକାରଙ୍କୁ ଆଜି ଦିନରେ ବାର୍ଷିକ ୧୦ ହଜାର କୋଟି ର ସୁଧ ଦେବାକୁ ପଡୁଛି
ମୋଦି ସରକାର ଦେଶର ଭବିଷ୍ୟତ ପୀଢି ଉପରେ କଂଗ୍ରେସ ପରି ଋଣଭାର ଲଦୁନାହାଁନ୍ତି